Прекрасна глетка на Груж, предградие на Дубровник, со ќерка ми Јосипа.

Никогаш не сум размислувал дека и тоа еден ден ќе дојде,   да се заблагодарувам  на  доброжелбените роденденски честитки на ваков начин. И тоа баш на мојот 80 ти роденден, мојот највисок животен дострел. Ќе ме прашате зошто? Па затоа, што несум имал  посебни потреби, ниту толку драги пријатели  и толку членови на моето семејство, како сега.

Вакви настани во животот на човекот значат многу, зошто причинуваат радост и чувство да е некој сакан и почитуван. Значат,  дека растел, пораснал  и створил нешто од себе си.  Дека направил нешто препознатливо и корисно за животната средина која го опкружува. Нешто за своите родители, за своите блиски, но и за себе си. Можеби нешто и за човештвото.

Ги почитувал достигањата на другите  членови од човековата врста, научил нешто од секого од нив или пак си останал таков каков Господ го дал : - за почит или  не, како си заслужил. Или по нашата стара поговорка: - како си послал, така си легнал!

Сето тоа на некој начин се наградува со внимание,  почит и љубов. Со честитки, кои обврзуваат и се поттик за  продолжување со работата која е веќе препозната и наградена во било која форма. 

Мојот 80 ти роденден  годинава беше посебен настан.   Посетата на Дубровник, туристичкиот  бисер на  Хрватска и меката за светските љубители на медитеранската убавина, беше роденденски подарок од   нашите деца Јосипа и зетот Бариша. Таму го одбележавме  првиот дел   од мојот бурен и среќен животен пат, но и почетокот на вториот, кој никој не знае, уште колку  ќе трае. 

Нашето заедничко дружење  значи многу за мене. Но верувам и за многу околу мене, пред се' за моето семејство, за моите блиски и подалечни пријатели од нашето заедничко и безгрижно детство во нашите,  далечни места. Во родните места, каде сме  сонувале за   иднината која е сега тука  и  во голема мерка стварност...

Затоа, трогнат и вистински возбуден од вашите многуброини честитки по повод мојот роденден,  драги мои пријатели, роднини и членови на моето семејство од многу земји во кои живеете,  одлучив да ви се заблагодарам на овај начин  и да Ви посакам добро здравје вам и на вашите семеиства. 

Денес можностите за комуникација помеѓу луѓето,   во однос со изминатите времиња се неспоредливи. Количината на пораките испратени од едната до другата страна на светот немаат физичка тежина, а брзината на испораката се мери во секунди.

Нека нашите насмевки и нашите убави зборови бидат секогаш врска кои не спојуваат и чинат посреќни денес од вчера. И, нека нашите честитки и искрени желби за добро здравје бидат патоказ, за поарно утре. 

И затоа уште еднаш Ви благодарам на сите и бидете ми здрави, среќни и секогаш весели.