БОРЦИ ЗА УНИТАРНА РЕПУБЛИКА МАКЕДОНИЈА

 

Сотир Гроздановски-Македонски

РАЗГРАДУВАЊЕ НА МАКЕДОНИЈА ВО ФАЗИ

 

13 мај 2016

Насилниците и предавниците од СДСМ откако го загубија застрашувачкиот момент на "шарената револуција" која, впрочем, имаше за цел да ги закрвави Македонците со директно спротивставување   до меѓусебно истребување, своето иницијално злосторничко внимание: уништување на македонските културни вредности и понижување на градителите на македонската држава од древните до сегашните времиња, засилено го насочија кон последната легална институција на државата, Ѓорге Иванов, Претседателот на Република Македонија.

Аболицијата на поголем број грешници од разни институции во државата зазеде обратна насока во своето дејство. Таа, наместо да ги смири страстите меѓу противниците кои ја поттикнаа долгата политичка криза во Македонија и му го одземе оружјето на специјалното обвинителство за понатамошна деструкција на легалниот систем, ги покрена злите дуси во СДСМ уште повеќе.

Чувствувајќи се загрозени во своите крајни накани,   го активираа својот однапред подготвен план "Б" :  се свртија против Претседателот со повик за негова оставка, укинување на Аболицијата и поновно одложување на веќе закажаните избори за 5 јуни 2016, зошто, божем, пак немало услови за "фер и праведни" избори. И така во недоглед, се' дури заедно со своите странски финансиери и душмани на Македонија не создадат услови за превласт во државата и деструкција на нејзиниот идентитет со менување на  името, како крајна цел.

Деновиве, Македонија се исполна со неканети гости од Европската Унија, САД, Германија и кој се' уште знае од каде и зошто. Но едно се знае, дека плановите за деструкција на Република Македонија во фази, не им одат по нивните желби. Македонскиот народ бара избори и прекинување со уништувањето на стопанството и напредокот на земјата. Бара мир во државата и искрен соживот на сите нејзини граѓани. 

На Република Македонија и на народот на оваа држава не им се потребни нивните лажни услуги и еднаш треба да се најде некој кои ќе им рече: АКО НЕ САКАВТЕ, ИМАВТЕ ДОСТА ВРЕМЕ ДА НИ ПОМОГНЕТЕ. ЗАТОА, СЕГА, СИКТЕР ОД НАШИТЕ ЖИВОТИ И ОД НАШАТА САМОСТОЈНА И НЕЗАВИСНА РЕПУБЛИКА МАКЕДОНИЈА.

 За секогаш Ваш Сотир! 

 

ВИДЕОТЕКА - VIDEOTEKA

Kind regards: Sotir Grozdanovski-Makedonski

Број 03 (13 мај 2016)