ЌЕ ДОБИЕМЕ ЛИ ТОА ШТО ОЧЕКУВАМЕ?

 

Сотир Гроздановски-Македонски

ВЛАСТ ПО МЕРА НА НАРОДОТ

 12 мај 2016

 

Со приближувањето на парламентарните избори, предвидени за 5 јуни 2016 година, како да се чувствува нешто што ни ветува мир и отрезнување од беснеењето на злото што ја опфати Македонија во последниве неколку недели. Целта на оваа Соросова зла олуја, таканаречена "шарена револуција" и' беше многу покомплексна од сквернување на убавините на македонските градови и нивните споменици од сите македонски историски периоди. Гордоста  и достоинството на обичниот македонски човек, заедно со судбината  на самата македонска држава и македонското современо општество, беше во прашање.

Како да се сакаше да се спротивстават свесните македонски сили и силите на злото и омразата, што би водело до влошување на меѓуетничките односи  и разградување на државата.

Како да се сакаше сменување на легално избраната власт во Република Македонија, по секоја цена,  застрашувајќи го, притоа, македонскиот народот  со средства кои им доликуваат само на терористи.

Но, по се' изгледа и овој пат трпеливоста и достоинственото однесување на народот не им ја даде посакуваната шанса на предавниците од  СДСМ да ги постигнат нечесните накани: пресметка на злото и доброто во народот македонски.  

Материјалната загуба нанесена од нивното беснеење, силно поттикнато  од СДСМ и нивните советници од "меѓународната заедница" е голема, но не и не надоместива. Но срамот, пак, фрлен врз угледот на македонската нација, ќе не следи за секогаш.

Затоа, нека изборите што се пред нас ни донесат лек за сето зло и неправди нанесени врз интересите на сите граѓани на Република Македонија, свесно или не свесно, а новоизбраната власт нека биде по мерка, на народот.

За секогаш Ваш Сотир !

 

ВИДЕОТЕКА-VIDEOTEKA

Kind regards : Sotir Grozdanovski-Makedonski

Br. 01 (12 мај 2016)